نكت مضحكة

موضوع: نكت مضحكة السبت أكتوبر 30, 2010 5:29 pm

1. واحد عندو دراجة .كان في الطريق يرفع العجلة فاستوقفه شرطي واعطاه بروسي
و كتب فيه محاولة طيران

2. مشحاح طاحت دراهمه من التاقة. كي نزل ما لقاهاش. ليش؟؟؟؟ لأنه وصل قبلها.

3. وحد المعلم سقسا وحد التلميذ
قالو أعطيني شيء يتمدد بالحرارة ويتقلص بالبرودة
التلميذ قالو: العطلة يا أستاذ. في الشتاء 15 يوم وفي الصيف 3 أشهر

4. واحد كان يتفرج في وحد الفيلم تع الماريكان
كي خلاص الفيلم بدات تطلع الكتيبة
جازت وحد الكتيبة فاتو قبل ما يقراها
طلع عند جارو الي يسكن فوقو وقاعد يسنى فيها توصل

5. واحد طلع في الكار وكان لا بس سباط تع 3000 الف
وحد العجوزة عفست عليه
قاللها الحاجة نحي رجليك راكي معفسة على 3000 الف
قاتلو: وين راهم. طاحولي ليا

6- قالك مرة شينوي و جزائري وفرنسي ذهبوا إلى الجبال التي ترد الأصوات
فقال الجزائري أهلا فرد الجبل أهههههههههلا قال الفرنسي بونجور فرد الجبل ببووووووووونجوووور
قال الشينوي بلغته ايلياياياياانيخا رد
الجبل قال والله ما فهمتك عاود

7- واحد دخل للقهوة وقال للقهواجي: عندك قهوة باردة؟
يقولو: لا , زاد جاه غدوة وقالو كيما المرة اللولة ورد عليه:لا,
وعاد كل يوم يقولو: عندك قهوة باردة؟
واحد النهار قال القهواجي: والله نوجّدلو قهوة باردة قبل ما يجي,
ومبعد ساعة جا الزبون وقال: عندك قهوة باردة؟ قالو: نعم, قال: سخّنها وجيبهالي.

8- في ليلة كان ربعة من ليجون يتمحششوا
{{{يزطلوا ]}}}ورا باطيمة{{{عمارة}}}وبعد مدة خلصلهم الكبريت
فبعتوا واحد منهم يطلب, مالا راح دار على لباطيما
ولاّ ليهم بعد, قاللهم: يا جماعة ما عندكمش كبريت؟
قالوا: أقعد رانا بعتنا واحد يجيب...

9- وهادا واحد يبيع القهوة بثلاث دنانير,
وكل يوم يجيه واحد ويحطلو دينار في شرق الحانوت
ودينار في غرب الحانوت ودينار في الوسط ويقولو: اعطيني قهوة.
وفي نهار جاب هذا الشخص قطعة تاع خمس دنانير
وقالو: اعطيتي قهوة. فرح القهواجي وقال هذي فرصتي
باش نردلو ما دار فيا وراح جابلو قهوة وحطلو دينار
في شرق الحانوت ودينار في غرب الحانوت وقالو:
هذا الصرف. وفجأة جبد الزبون دينار وحطو في النص وقالو زيدني قهوة

10-واحد قروي شاف امو حامل قالها هذا شكون قالت خوك قالها وعلاش كليتي....

لا تبخلوا بالردود من فضلكم

موضوع: رد: نكت مضحكة السبت أكتوبر 30, 2010 10:50 pm

هههههههههههههه
امتعتنا اختي الغاليه..
بااارك الله فيك ...
واثابك الجنة ..

موضوع: رد: نكت مضحكة الأحد أكتوبر 31, 2010 12:16 am

ههههههههههههههههه

ضحكتينا الله يفرحك

مشكووووووووورة

دمت في رعاية الله

موضوع: رد: نكت مضحكة الأحد أكتوبر 31, 2010 12:34 pm

نورتو صفحتي
مشكورين علي المرور